La Lutte de Libération Nationale, c'est l'occupation constante de tous les terrains qui concernent la Lutte Institutionnelle, la lutte de masse et la lutte armée.
  Accueil La Lutte en Vidéos Archives de la LLN La Lutte en Audio

La Lutte en photos

Contactez Unità Naziunale    
 


Les archives de la LLN en ligne sur corsicainfurmazione.org

Offrez un produit
Generazione76




Empêcher le clic droit
Empêcher la sêlection du texte

 

Discours en langue Corse d'Edmond Simeoni
1er Avril CTC

 

M. Edmond SIMEONI

 

Cum’ella hè di tradizione, v’aghju à dì qualchì parolle.

Mi cuncede oghje l’età di fà l’introitu di l’Assemblea di Corsica nova, ma a prisenza à a tribuna di dui giovani, una femina è un masciu, hè più ch’è simbolica di a Corsica oghjinca.

Una Corsica d’eri chì parte, si scioglie è durghjula è quella chì affacca giovana, muderna assitata di dignità è bramosa d’identità è di lindumani più felici è appaciati.

A prisenza zeppa di e donne imposta da a legge è micca scelta da l’omi hè di sicuru una rivoluzione maiò, ancu s’è l’elezione scorsa l’hà prive di parolla, di prisenza è di dicizione, supranate ch’elle eranu da l’omi praputenti, avvezzi ch’elli sò da chì u mondu hè mondu, micca à raggiunà, ma à dì, à fà, à impone.

Dumane, è ogni ghjornu ancu di più, u so pesu hà da cresce è purtarà à a nostra sucietà a ricchezza di i so talenti, a forza di e so vulintà è di e so capacità d’agisce. Menu chjachjare, più fatti è di sicuru più ghjustizia saranu incù elle à l’appuntamenti di l’avvene.

Parechji punti mi pare deve essenu sottulineati chì facenu a gravità di a quistiona corsa. Ùn sò micca soli certu, ma sò i fundamenti di u prugressu.

Primu puntu : a demucrazia malata deve cresce è esse rinfurzata ; hè u puntellu maiò di a Corsica nova. Cunuscite tutte è tutti quelle pratiche secularie di u sistema puliticu corsu incù l’aiutu interessatu di a tutella francesa. Sapete tutte è tutti cum’elle si passanu l’elezzione. L’accunciamenti pulitichi chì si facenu, sapete chì a dignità di l’elettori hè troppu à spessu carpighjata.

Secondu puntu : a rispunsabilità culletiva di u populu corsu deve imponesi è ùn si po più lascià à u secretariu generale à l’affari corsi (dettu u SGAC), à i prefetti, à u DPJ, à u direttoru di a Banca di Francia, à i COREPA (cumitati regiunali per l’aiuti) u putere di sceglie u nostru destinu è d’imponeci i so interessi è a so vulintà. Di tutte e manere, ci vole à permette à l’alti funziunari di Corsica di vultà in Corsica è mette in piazza à l’Assemblea di Corsica una squatra forte di cumpetenze inde tutti i duminii è sopratuttu quelli di l’ingeneria economica.

 

Terzu puntu : a sapete tutte è tutti, a tarra corsa hè spizzata, vinduta à pezzi è à buccone. Aprite l’ochji è guardate in Balagna o in Corsica suttana, paesi sani, rughjoni, stazzi, tarre cambianu di mani à prezzi speculativi chì d’in fatti mettini i Corsi fora di i so lochi. Hè una viulenza ch’è no riusemu, chì porta a timpesta. Ci sò i mezi da impidisce o da limità isse pratiche ; mezi chì si confacenu incù quelli di l’Unione europea : statutu di l’isule Aland, creazione d’un uffiziu fundariu, schema d’urganisazione di u spaziu, SAFER, mubulisazione pupulare… Un esempiu forte hè datu à i Corsi : ch’elli fieghjanu u paesu di Lama chì si sviluppa, riceve ghjente è purtantu, tene à contu u so patrimoniu.

Quartu puntu : e donne è l’omi corsi di ceppu anticu è corsi aduttati, corsi di l’isula è corsi di a diaspora, imbulighjati tutti inde una listessa cummunità di destinu, anu un bisognu fortu di esse assicurati, d’avè un identità forta, generosa, aparta nantu à a storia, aparta nantu à l’altri populi. Ùn faremu micca l’ecunumia di l’ufficiulisazione di a lingua naziunale cum’è in Catalogna, incù un bellu pianu di sviluppu. Sapete chì a scola, è sopratuttu a sucietà, ùn formanu quasi nisun’locutore è chì a lingua si hà da spegna s’ellu ùn si sceglie di salvalla.

Quintu puntu : u sviluppu economicu, in particulare l’ecunumia identitaria. U sviluppu suciale deve diventà una priurità di quelle, per permette à u populu è sopratuttu à a giuventù di campà nurmalamente, è permette dinù di cummencià à trattà u prublemu di i 25 000 ricusati inde a nostra sucietà, piaga murtala è vilinosa, insulta permanenta à a sulidarità è à a ghjustizia.

Avà aghju da compie.

Sestu puntu : U Mediterraniu, l’Europa - incù dumane si spera un statutu di l’isule - aprenu e porte d’un avvene di scambii, di spartere è dinò di ricchezza.

D’altronde, l’aghju digià detta, ci vole à permette à alti funziunarii corsi di vultà in Corsica per piglià i posti di rispunsabilità.

È quali pò dubità una seconda chì a pace, tantu bramata, hè digià in bona strada, ma sarà dumane arradicata per u sempre s’è no truvemu tutti inseme un accunsentu regiunevulu è demucraticu pè prupone à u populu corsu una suluzione chjara à una crisa storica d’identità, di dignità, di fratellanza è di ghjustizia.

 

Capiscerete ch’è noi tinimu assai à a liberazione di i prigiuneri pulitichi corsi è, frà tempu, à a miliurazione di a so situazione (statutu puliticu, trasferimentu in Borgu, amiliurazione di e cundizione per e famiglie).

Oghje cum’è eri è fora di u risultatu di l’elezzione, vi prupunimu una manu tesa, fundazione chjare per un avvene cummunu di sviluppu, di pace è di fratellanza inde a dimucrazia.

Vi ringraziu d’essemi stati à sente.