|
A Francia hè una vergogna universale
Torna una volta,
Corsi nucenti patenu a ripressione, sempre più vigliacca di
i terroristi di a DNAT ! Ogni settimana, i sbirri di i
ghjudici anticorsi sparghjenu in Corsica u so terrore...
Quattru ghjorni
fà, hè statu arrestatu in Parigi Petru Guerrini, incù a so
moglia. Sbarcati à sei ore di manu ind’è un albergu
pariginu, i sbirri di a DNAT si sò lampati annant’à Petru è
a so moglia cum’è cani famiti...
Petru avia
passatu a settimana scorsa dui ghjorni davant’à cumissariatu
di Bastia, per sustene i soi in guardia custodia. A DNAT ùn
avia micca bisognu d’aspittà ch’ellu si ne cullessi in
Parigi per arrestallu ! Ma, era sicuramente più interessante
d’arrestà Petru Guerrini una settimana dopu à i so figlioli
è nipoti. Cusì, si parla di l’affare durante duie settimane
!
U scopu di a
DNAT, hè infatti di circà d’aiutà un’accusa indibulita ind’è
u prucessu di Carlu Pieri. Nomi è casate lampate à a stampa,
intornu à parullacce cum’è “racket”, è benintesu, sempre una
piccula leia incù Carlu Pieri : “des proches de Charles
Pieri”...
Hè bella faciule
di lampà nutizie cusì... Ma a rialità hè sfarente. Ùn ci hè
nisuna leia trà st’affare è Carlu Pieri. Eppò, ci pudemu
pone a quistione di sapè ciò ch’ella vole dì “proche de
Charles Pieri” ? Vole dì ch’ella riprisenta una prova di
culpabilità ?
U Cumitatu
contr’à A Ripressione (CAR) cundanna dinù a manera di fà di
a DNAT. Dumenica, hè stata arrestata torna a moglia di
Gérard Guerrini. (luni sera era sempre in guardia custodia)
S’era digià fatta una guardia custodia una settimana fà, è a
manera di fà di a DNAT hè vergugnosa. Arrestata à sei ore di
mane in casa, purtata subitu à cumissariatu, i terroristi di
a DNAT anu lasciatu daretu à elli dui criaturi, di 16 è 4
anni, abbandunati, soli, à l’addisperu. L’avucatu di a
famiglia hà decisu di scrive una lettara à i ghjudici per
palisà stu cumpurtamentu.
Moglie ostage,
zitelli castigati, omi imprigiunati, eccu u veru terrore in
Corsica !
U populu corsu ùn
pò accittà una “ghjustizia” spettaculu cusì ! U CAR sarà
sempre arrembu à tutte e vittime di a ripressione francese
in Corsica.
|
