Salute, è bona sera à tutti,

Torna una volta, vuleria à nome di GI ringraziavvi d'esse vinuti cusì numarosi à sti Scontri Internaziunali di a ghjuventù.

Annu, una dicina di militenti di u Fronte di Liberazione Naziunale di a Corsica rindianu umaghju sottu à stu tindone, à dui militenti clandestini smariti frà pocu, Emiliu Corticchiato è Lisandru Vincenti.
Per disgrazia, da quellu ghjornu, s'hè allungatu a lista.
Antone Schinto, Stefanu Amati, Anghjulu Maria Tiberi anu pagatu di a so vita u so indiamentu militente. Li didichemu sta sirata, li didichemu sti scontri…


Ma annu, u discorsu era dinù quellu di a lotta.
À l'oghje, u custattu ùn hè scambiatu : culunizazione di pupulumentu, pulitica di spussessu di u Statu è di mulitnaziunale à l'usu di Veolia, ripressione di a rivindicazione naziunale corsa è di i naziunali stessi…
Ma di pettu à què si rinforza a resistenza…

È attempu ugnunu chjama à a pace…

A pace, di sicuru a vulemu ancu noi…
Ma ciò chè no ricusemu ghjè una pace unilaterale, une redizzione, ghjè a pacificazione francese…

Ciò chè no vulemu ghjè una pace vera ; è quessa passa di sicuru per un prucessu d'autoderminazione per u populu corsu chì escerà di a nostra capacità di resiste…
Vale à dì chì tocca à noi à custruì a nostra pace, à custruì u nostru avvene.
Tocca à noi à raghjunghje è a rinfurzà i muvimenti, l'associi, i sindicati, i partiti di u muvimentu di liberazione naziunale ; tocca à noi à mette in ballu sta Cunsulta Naziunale chì ci ghjuvarà à decide da per noi di ciò ch'ellu sarà u nostru dumane ; tocca à noi ad avè u curaghju d'esse noi…

Chì per noi, l'Indipendenza ùn hè un sognu, ùn hè un scappatoghju, ghjè una necessità è una necessità salvatrice !
Ghjè a sola manera di pudè mette in ballu a nostra pulitica suciale, culturale, ecunomica, naziunale per a Corsica ;
Vale à dì dà un fiatu novu à a nostra lingua, impedisce una liberalizazione strema di u spaziu, rende a so tarra à u populu corsu, rende u so strumentu di travagliu à u populu corsu, chì culunizatu ch'ellu hè, si vede sottumessu à regule ch'intravanu u so sviluppu :
tassazione di e spurtazione,
monopoli di u statu o d'imprese maiò,
spiculazione immubiliaria…)

è què, c'impone di mettesi for'di u sistema francese ; c'impone l'indipendenza…
È tandu sbucciarà a pace…

EVIVA A LOTTA
AVIVA A NAZIONE CORSA "

Le dossier sur les scontri Internaziunali di a Ghjuventù d'Unità Naziunale

Source photo : Unità Naziunale, Archives du site.
Source info :  Unità Naziunale
© UNITA NAZIUNALE 1999 - 2007

Vos réactions sur cet article ici : http://www.unita-naziunale.org/agora/viewforum.php?f=18